Sana: 5 Noyabr, 2025
Kripto Hamyon-da, biz maxfiylikning muhimligini tushunamiz va shaxsiy ma'lumotlaringiz qanday qayta ishlanishi haqida xabardor bo'lishingizni va o'zingizni xavfsiz his qilishingizni ta'minlashni istaymiz.
Maxfiylik siyosatimizda biz butun dunyo bo'ylab ko'plab maxfiylik qonunlari va qoidalari mavjudligini, ularning har biri o'z talablariga ega ekanligini tan olamiz. Biz ushbu qonunlar va qoidalarga rioya qilishga sodiqmiz va maxfiylikni himoya qilishning eng yuqori standartlarini qo'llab-quvvatlashga intilamiz.
Ushbu Maxfiylik siyosatini qabul qilish orqali siz O'zbekiston Respublikasining "Shaxsga doir maʼlumotlar toʻgʻrisida"-gi Qonunining 11-moddasiga muvofiq, ushbu hujjatda ko'rsatilgan maqsadlar uchun shaxsiy ma'lumotlaringizni qayta ishlashga aniq elektron rozilik berasiz.
1. Biz qanday shaxsiy ma'lumotlarni to'playmiz?
1.1. Shaxsiy ma'lumotlar sizning shaxsingizni aniqlashga yordam beradigan har qanday ma'lumotni anglatadi. Sizni ishontirib aytamizki, biz shaxsiy ma'lumotlaringizni faqat amaldagi qonunlarga muvofiq to'playmiz. Shaxsiy ma'lumotlaringizni to'plashning uchta asosiy usuli mavjud:
a. Biz shaxsiy ma'lumotlarni toʻgʻridan-toʻgʻri sizdan, ya'ni yangilik va Xizmatlarimizga obuna boʻlganingizda yoki brauzerda saytimizni koʻrib chiqqaningizda (brauzerda saytni ishlatganingizda) to'playmiz;
b. Shuningdek, Kripto Hamyon bilan oʻzaro munosabatlaringizga asoslanib, siz haqingizda ba'zi shaxsiy ma'lumotlarni yaratamiz (hosil qilamiz);
c. Bunga qoʻshimcha ravishda, biz uchinchi tomonlardan ham shaxsiy ma'lumotlarni to';plashmiz mumkin.
1.2. Sizdan to'g'ridan-to'g'ri to'planadigan shaxsiy ma'lumotlar quyidagilarni o'z ichiga olishi mumkin:
a. Telegram foydalanuvchi nomi, profil nomi, Telegram identifikatori, telefon raqami, ism, familiya, tug'ilgan sana, manzil, telefon raqami va identifikatsiya ma'lumotlari (masalan, shaxs va fuqarolikni tasdiqlovchi hujjat), yuz tasviri yoki video kabi shaxsni tasdiqlovchi ma'lumotlar;
b. Xizmatlarimizdan foydalanganda amalga oshirgan tranzaksiyalaringiz tafsilotlari kabi ma'lumotlar;
c. Qayta aloqa ma'lumotlari, masalan, soʻrovnomalar, murojaatlar va boshqa fikr-mulohazalar.
1.3. Siz haqingizda biz hosil qilishimiz (yaratishimiz) yoki uchinchi tomonlardan yigʻib olishimiz mumkin boʻlgan shaxsiy ma'lumotlar:
a. Onlayn va elektron ma'lumotlar, masalan, operatsion tizim, qurilma ID'si (identifikatori), qurilma turi, tarmoq provayderi yoki ma'lumot provayderi va IP-manzili, shuningdek, Xizmatlarimiz bilan qanday oʻzaro munosabatda boʻlishingiz haqidagi ma'lumotlar;
b. Foydalanish Ma'lumotlari, masalan, koʻrilgan yoki joylashtirilgan kontent, tashriflar chastotasi, til standarti va afzalliklar.
1.4. Biz shaxsiy ma'lumotlarning maxsus toifalarini (masalan, irqiy yoki ijtimoiy kelib chiqishi, siyosiy qarashlari, diniy yoki falsafiy e'tiqodlari, kasaba uyushmasiga a'zoligi, sog'liqni saqlash ma'lumotlari, shaxsiy hayot haqidagi ma'lumotlar yoki jinoiy yozuvlarni ochib beruvchi ma'lumotlar) ataylab qayta ishlamaymiz. Maxsus toifaga oid shaxsiy ma'lumotlar faqatgina qayta ishlash qat'iy zarur (masalan, shaxsni tasdiqlash yoki pul yuvishga qarshi kurash talablariga rioya qilish) va amaldagi qonunchilik tomonidan ruxsat etilgan hollarda qayta ishlanadi.
1.5. Biometrik ma'lumotlar (masalan, shaxsni tasdiqlash (KYC) uchun ishlatiladigan yuz tasviri) qayta ishlanadigan hollarda, ular faqat identifikatsiya/tekshirish, firibgarlikning oldini olish va JFODL/TM-ga muvofiqlik uchun amaldagi qonunchilik tomonidan qat'iy zarur va talab qilingan hollarda qayta ishlanadi va siz ushbu Maxfiylik Siyosatini qabul qilish orqali aniq roziligingizni bergansiz. Ushbu Maxfiylik Siyosatini qabul qilishingiz amaldagi qonunchilik talab qiladigan darajada biometrik ishlov berishga yozma elektron roziligingizni anglatadi. Siz istalgan vaqtda rozilikni qaytarib olishingiz mumkin, ammo, biz amaldagi qonunchilikka rioya qilish uchun zarur bo'lgan muddat davomida biometrik ma'lumotlarni qayta ishlashda davom etishimiz mumkin.
1.6. Biz 18 yoshga to'lmagan shaxslardan shaxsiy ma'lumotlarni to'plamaymiz. Agar siz 18 yoshdan kichik bo'lsangiz, bizga hech qanday shaxsiy ma'lumotlarni taqdim etishingiz yoki Kripto Hamyon xizmatlaridan foydalanishingiz mumkin emas.
2. Shaxsiy ma'lumotlarni qanday to'playmiz?
2.1. Biz shaxsiy ma'lumotlarni siz quyidagi amallarni bajarganingizda to'playmiz:
a. Kripto Hamyon'da roʻyxatdan oʻtganingizda;
b. Kripto Hamyon'ga kirganingizda va u bilan oʻzaro munosabatda boʻlganingizda, Xizmatlarimizdan foydalanganingizda;
c. Biz bilan qoʻllab-quvvatlash boti (@wallet_supportbot) orqali bogʻlanganingizda.
2.2. Biz uchinchi tomonlar, masalan, biznes sheriklar, texnik xizmat koʻrsatuvchilar, tahlil provayderlari va qidiruv ma'lumotlari provayderlari bilan ishlashimiz mumkin. Agar biz ular orqali siz haqingizda ma'lumot olsak, biz doimo bu ma'lumotlarni ma'lumotlarni himoya qilish qonunlariga muvofiq taqdim etayotganliklariga va ma'lumotlaringizni biz bilan boʻlishishlari mumkinligi haqida sizga shaffof ravishda xabar berganliklariga ishonch hosil qilishga intilamiz.
2.3. Biz bu ma'lumotlardan siz haqingizdagi yozuvlarimizni yangilash va ularning aniqligini saqlash uchun foydalanishimiz mumkin.
3. Ma'lumotlarni qayta ishlashning huquqiy asoslari va maqsadlari qanday?
3.1. Biz Kripto Hamyon orqali sizdan va siz haqingizda to'playdigan ma'lumotlardan turli xil biznes maqsadlarida, jumladan, sizga Xizmatlardan to'liq foydalanish imkonini berish; Kripto Hamyon dizayni va funksionalligini yaxshilash; buyurtmalar va boshqa so'rovlarni bajarish, savollaringizga javob berish va siz bilan aloqa qilish uchun siz bilan bog'lanish; savollarga yoki texnik muammolarga javob berish; qo'llab-quvvatlash va xavfsizlikni ta'minlash; va ushbu Maxfiylik Siyosatida batafsilroq tavsiflanganidek foydalanamiz.
3.2. Shuningdek, biz Kripto Hamyon ichidagi ma'lumotlaringizdan tijorat maqsadlarida, jumladan, sizga va sizga o'xshash iste'molchilarga to'g'ridan-to'g'ri marketing xabarlarini yuborish uchun foydalanishimiz mumkin; shuningdek, sizning ruxsatingiz bilan, yoki bizda bunday ma'lumotlarni olishga sizning roziligingiz bo'lsa, yoki amaldagi qonunchilik doirasida ruxsat etilgan taqdirda, sizga Kripto Hamyon'dan biznes hamkorlarimiz haqida e'lonlar va reklama yuborishimiz mumkin.
Kripto Hamyon shaxsiy ma'lumotlarni quyidagi maqsadlar va quyidagi huquqiy asoslarga tayangan holda qayta ishlaydi:
| Maqsad | Huquqiy asos |
|---|---|
| Sizga Xizmatlarimizni taqdim etish | Shaxsga doir maʼlumotlar subyekti ishtirokchisi boʻlgan shartnomani bajarish |
| Siz bilan aloqa | Shaxsga doir maʼlumotlar subyekti ishtirokchisi boʻlgan shartnomani bajarish |
| Mijozlarga texnik va boshqa turdagi yordam koʻrsatish | Shaxsga doir maʼlumotlar subyekti ishtirokchisi boʻlgan shartnomani bajarish |
| Foydalanuvchi Shartnomasi va Pul yuvishga/Terrorizmni moliyalashtirishga qarshi kurash siyosati hamda boshqa amaldagi siyosatlarning buzilishidan himoya qilish va ularning oldini olish orqali Kripto Hamyon'ning xavfsizligi va yaxlitligini himoya qilish, jumladan, spam, fishing va DDoS hujumlari kabi avtomatlashtirilgan suiiste'molliklar, xizmatlardan notoʻgʻri foydalanish, ruxsatsiz operatsiyalar (tranzaksiyalar) va boshqa majburiyatlar | Huquqiy manfaat |
| Xizmatlar, Foydalanuvchi tajribasi, dizayn va Kripto Hamyon funksiyalarining jozibadorligini oshirish uchun | Huquqiy manfaat |
| Shaxsga doir maʼlumotlar subyektiga tegishli boʻlgan ma'lum shaxsiy jihatlarni marketing maqsadlarida baholash va maqsadli reklamani taqdim etish uchun | Rozilik |
| Xavfsizlik va firibgarlikning oldini olish uchun, shuningdek, saytlarimiz va ilovalarimizning xavfsiz va ishonchli boʻlishini hamda Foydalanuvchi Shartnomasi muvofiq ishlatilishini ta'minlash uchun | Huquqiy manfaat |
| Amaldagi qonunlarga rioya qilish uchun (shu jumladan pul yuvishga qarshi kurash qoidalari, shaxsiy ma'lumotlarni himoya qilish qonunlariga) | Qonuniy majburiyat |
Kripto Hamyon tomonidan taqdim etilgan elektron shaklni toʻldirish orqali siz aniq rozilik bildirgan har qanday qoʻshimcha maqsadlar uchun shaxsiy ma'lumotlaringizni qayta ishlash huquqini oʻzida saqlab qoladi.
4. Shaxsiy ma'lumotlaringizni qanday himoya qilamiz?
4.1. Biz sizning ma'lumotlaringizni himoya qilish uchun keng qamrovli choralarni qoʻllaymiz, jumladan, xavfsiz serverda saqlash va yoʻqotish, notoʻgʻri foydalanish, ruxsatsiz kirish, oshkor etish va oʻzgartirish xavfini kamaytirishga qaratilgan turli xil texnik va tashkiliy ehtiyot choralari. Bizning xavfsizlik protokollarimizga xavfsizlik devorlari (firewall), ma'lumotlarni shifrlash hamda ma'lumotlar markazlarimizda jismoniy va raqamli kirish nazorati kiradi.
4.2. Shaxsiy ma'lumotlaringizni himoya qilish boʻyicha qat'iy sa'y-harakatlarimizga qaramay, Internet orqali ma'lumotlarni uzatishning toʻliq xavfsizligi kafolatlanmasligini tan olamiz. Shunga koʻra, veb-saytimiz orqali yuborgan har qanday ma'lumot oʻz xavf-xataringiz ostida boʻladi. Ma'lumotlaringizni qabul qilganimizdan soʻng, ruxsatsiz kirishning oldini olish uchun qat'iy tartib-qoidalar va mustahkam xavfsizlik funksiyalaridan foydalanamiz. Bundan tashqari, biz ma'lumotlar xavfsizligining yuqori standartini qoʻllab-quvvatlashga va ma'lumotlarning buzilishi, sizib chiqishi va boshqa ruxsatsiz kirish shakllarini oldini olish uchun faol ishlashga sodiqmiz. Shunga qaramay, Xizmatlarimiz bilan oʻzaro munosabatda boʻlishingiz paytida ehtiyot boʻlish va hushyorlikni saqlashni tavsiya qilamiz, bu esa Xizmatlarimiz bilan aloqada boʻlish jarayonida himoya choralarini qoʻllash muhimligini ta'kidlaydi.
4.3. Biz shaxsiy ma'lumotlarni qayta ishlash va himoya qilish uchun mas'ul boʻlgan vakolatli shaxsni tayinladik. Siz bu shaxs bilan [email protected] orqali bogʻlanishingiz mumkin.
4.4. Biz amaldagi qonunlar tomonidan talab qilinadigan himoya darajalariga mos keladigan huquqiy, tashkiliy va texnik choralarni, jumladan, kirishni nazorat qilish, shifrlash, tarmoq xavfsizligi, loglash, ma'lumotlarni minimallashtirish va xavfsiz yoʻq qilish tartib-qoidalarini qoʻllaymiz.
5. Ma'lumotlaringizni qancha vaqt saqlaymiz?
5.1. Kripto Hamyon shaxsiy ma'lumotlarni ularni qayta ishlash maqsadlariga erishish uchun zarur boʻlgan muddat davomida saqlaydi. Biz yigʻilgan barcha shaxsiy ma'lumotlarni Xizmatlarimizdan foydalangan butun davr mobaynida va qonun talab qilgan muddat davomida, lekin biz bilan boʻlgan ishbilarmonlik munosabatlaringiz tugaganidan keyin 5 yildan ortiq boʻlmagan muddatda saqlaymiz.
5.2. Biz shaxsiy ma'lumotlarni quyidagi hollarda yoʻq qilamiz (yoki tegishli hollarda ularni anonimlashtiramiz): (i) qayta ishlash maqsadlariga erishilgan boʻlsa; (ii) sizning roziligingiz qaytarib olingan va boshqa qonuniy asos qoʻllanilmasa; (iii) sizning roziligingizda koʻrsatilgan qayta ishlash muddati tugagan boʻlsa; yoki (iv) bizdan buni qonuniy ravishda talab qilinsa (shu jumladan sudning yakuniy qarori asosida).
6. Ma'lumotlaringizni kim qayta ishlaydi?
6.1. Kripto Hamyon Xizmat Koʻrsatuvchi Provayder sifatida ushbu Maxfiylik Siyosatiga muvofiq shaxsiy ma'lumotlaringizni qayta ishlash boʻyicha Ma'lumotlar Kontrolleri (Data Controller) sifatida ish yuritadi. Bu ma'lumotlarni qayta ishlash maqsadlari va vositalarini faqatgina biz belgilashimizni anglatadi. Biz ushbu Maxfiylik Siyosati shartlariga muvofiq shaxsiy ma'lumotlarni bizning nomimizdan qayta ishlash uchun uchinchi tomonlarni jalb qilishimiz mumkin.
6.2. Ushbu Maxfiylik Siyosati maqsadlari uchun Kripto Hamyon Xizmat Koʻrsatuvchi Provayder deganda, O'zbekiston Respublikasida roʻyxatdan oʻtgan, manzili Toshkent shahri, Yakkasaroy tumani Muxandislar MFY, Bobur ko`chasi, 58A-uy bo'lgan TGHAMYON MChJ nazarda tutiladi.
7. Ma'lumotlarni Mahalliylashtirish
7.1. Agar siz O'zbekiston Respublikasi fuqarosi yoki rezidenti bo'lsangiz, biz sizning shaxsiy ma'lumotlaringizni O'zbekiston Respublikasida jismonan joylashgan texnik vositalardagi shaxsiy ma'lumotlar bazalarida to'playmiz, tizimlashtiramiz va saqlaymiz. Bunday maqsadlar uchun ishlatiladigan shaxsiy ma'lumotlar bazamiz O'zbekiston Respublikasi Shaxsiy ma'lumotlar bazalari davlat reestrida ro'yxatga olingan.
7.2. O'zbekiston fuqarolarining shaxsiy ma'lumotlarini transchegaraviy uzatilishi faqat amaldagi qonunlarga qat'iy rioya qilingan holda amalga oshiriladi.
8. Shaxsiy ma'lumotlaringiz kimlarga oshkor qilinadi?
You have the following rights with regard to your personal data (although these rights may be limited in some circumstances):
8.1. Xizmat koʻrsatuvchi provayderlarga oshkor qilish: Kripto Hamyon shaxsiy ma'lumotlarni ma'lumotlar protsessorlari sifatida ish yurituvchi, ya'ni ma'lumotlarni bizning nomimizdan va koʻrsatmalarimizga muvofiq qayta ishlaydigan uchinchi tomon hamkorlari va xizmat koʻrsatuvchi provayderlar bilan boʻlishadi. Biz ular bilan faqatgina biz taklif etayotgan Xizmatlarni yoki siz Kripto Hamyon orqali soʻragan uchinchi tomon xizmatlarini yetkazib berish uchun zarur boʻlgan shaxsiy ma'lumotlarni boʻlishamiz.
8.2. Bundan tashqari, biz Xizmatlarimizning samaradorligi va qonuniy talablarga muvofiqligini oshirish uchun ma'lum ma'lumotlarni qayta ishlash maqsadida Sun'iy Intellekt'dan foydalanishimiz mumkin. Biroq, faqat Sun'iy Intellekt qayta ishlashiga asoslanib hech qanday qaror qabul qilinmaydi — shaxsiy ma'lumotlarni oʻz ichiga olgan barcha qaror qabul qilish jarayonlari inson tomonidan tekshiriladi.
8.3. Auditorlarga va yuridik maslahatchilarga oshkor qilish: Sizning shaxsiy ma'lumotlaringiz tashqi va xavfsizlik auditlari kabi vaziyatlarda yoki xavfsizlik muammolari, potentsial xatarlar, shikoyatlar va shunga oʻxshash masalalarni hal qilish va tekshirish uchun yuridik va boshqa maslahatchilar bilan boʻlishilishi mumkin.
8.4. Huquqni muhofaza qilish organlari, nazorat qiluvchi agentliklar yoki vakolatli uchinchi tomonlarga oshkor qilish: Kripto Hamyon nazorat qiluvchi organlar, hukumat va huquqni muhofaza qilish organlari, shuningdek, sudlar va qonuniy koʻrsatmalarning soʻrovlariga rioya qilish uchun qonuniy va tartibga solish majburiyatlari talab qilgan hollarda shaxsiy ma'lumotlarni boʻlishishi mumkin.
8.5. Boshqa Foydalanuvchilarga oshkor qilish: Sizning shaxsiy ma'lumotlaringiz soʻralgan Xizmatlarni taqdim etish, xavfsizlikni ta'minlash yoki tekshirish jarayonlarini yengillashtirish uchun zarur boʻlgan hollarda boshqa Foydalanuvchilar bilan boʻlishilishi mumkin.
8.6. Boshqa oluvchilarga oshkor qilish: Siz tamondan buyurilgan, masalan, havola (link) orqali tasdiqlangan hollarda sizning shaxsiy ma'lumotlaringiz siz ruxsat bergan har qanday shaxs yoki tashkilot bilan, boʻlishilishi mumkin.
8.7. Kripto Hamyon shaxsiy ma'lumotlarni oluvchilar bilan tuzilgan shartnomalar talab qilinadigan shartlarni oʻz ichiga olishini va Foydalanuvchi ma'lumotlarining yetarli darajada himoyalanishini ta'minlash uchun ichki jihatdan bir nechta choralarni koʻradi. Ushbu choralar odatda yuridik guruh va xavfsizlik guruhi oʻrtasidagi hamkorlikni oʻz ichiga oladi. Jarayonning qisqacha tavsifi quyidagicha:
a. Yuridik guruh tomonidan koʻrib chiqish: Bizning yuridik guruhimiz ma'lumotlarni himoya qilish boʻyicha zarur shartlarni kiritish uchun shaxsiy ma'lumotlarni oluvchilar bilan tuzilgan shartnomalarni sinchkovlik bilan koʻrib chiqadi;
b. Xavfsizlik guruhi tomonidan koʻrib chiqish: Bizning xavfsizlik guruhimiz ma'lumotlar xavfsizligini ta'minlash uchun oluvchilarning texnik choralarini baholaydi;
c. Teng himoya talabi: Shaxsiy ma'lumotlarga kiruvchi barcha tomonlar bizning Maxfiylik Siyosatimizda belgilangan himoyaning bir xil darajasini ta'minlashi shart;
d. Ma'lumot uzatish mexanizmlari: Ma'lumotlarni kelib chiqish yurisdiksiyasidan tashqariga uzatish uchun Standart Shartnoma Bandlari (Standard Contractual Clauses) kabi tegishli mexanizmlar qoʻllaniladi.
9. Sizning huquqlaringiz nimadan iborat?
Shaxsiy ma'lumotlaringizga nisbatan siz quyidagi huquqlarga egasiz (garchi bu huquqlar ba'zi hollarda cheklanishi mumkin boʻlsa ham):
9.1. Axborot olish huquqi: Siz shaxsiy ma'lumotlaringizni yigʻish va qayta ishlash haqida xabardor boʻlish huquqiga egasiz. Bunga qayta ishlash maqsadi, yigʻiladigan shaxsiy ma'lumotlar turlari, ma'lumotlarni oluvchilar va saqlash muddatlari haqidagi ma'lumotlar kiradi.
9.2. Kirish huquqi: Biz siz haqingizda saqlayotgan ma'lumotlarga kirish huquqiga egasiz. Zarur boʻlgan hollarda, shaxsiy ma'lumotlaringizni sizga berishdan oldin shaxsingizni tasdiqlashingizni soʻrashimiz mumkin.
9.3. Oʻchirish huquqi: Siz bizda saqlanayotgan har qanday shaxsiy ma'lumotlarni tuzatish yoki oʻchirishni talab qilish huquqiga egasiz. Iltimos, shuni yodda tutingki, bu holda biz qonun talab qilgani sababli ma'lumotlaringizni saqlashda davom etamiz, lekin ishbilarmonlik munosabatlari tugaganidan keyin 5 yildan ortiq boʻlmagan muddatda saqlaymiz.
9.4. Cheklash huquqi: Ma'lumotlar notoʻgʻri boʻlsa, bizning ma'lumotdan foydalanishimiz gʻayriqonuniy boʻlsa yoki biz endi ma'lumotni ushlab turishimizga sabab boʻlgan maqsadlar uchun undan foydalanishga ehtiyoj sezmasak, shu kabi ma'lum vaziyatlarda shaxsiy ma'lumotlardan foydalanishni cheklash huquqiga egasiz.
9.5. Etiroz bildirish huquqi: Ma'lum vaziyatlarda shaxsiy ma'lumotlaringizni qayta ishlashga e'tiroz bildirish huquqiga egasiz (shu jumladan ma'lumotlaringizning toʻgʻridan-toʻgʻri marketing maqsadlarida ishlatilishini toʻxtatish boʻyicha mutlaq huquq).
9.6. Ma'lumotlarni koʻchirish huquqi: Siz bizda saqlanayotgan shaxsiy ma'lumotlarni tuzilmalangan, elektron formatda olish va bunday ma'lumotlarni boshqa ma'lumotlar kontrolleriga uzatish huquqiga egasiz, agar bu: (a) siz bizga taqdim etgan shaxsiy ma'lumotlar boʻlsa va (b) biz bu ma'lumotlarni sizning roziligingiz asosida qayta ishlayotgan boʻlsak (masalan, sizning marketing afzalliklaringiz haqidagi ma'lumotlar).
9.7. Shikoyat qilish huquqi: Agar biron sababga koʻra shaxsiy ma'lumotlaringizning qayta ishlanish usulidan qoniqmasangiz, siz biz bilan bogʻlanishingiz yoki Oʻzbekiston Respublikasida "Shaxsga doir ma'lumotlar toʻgʻrisida"gi Qonunga rioya qilinishini nazorat qiluvchi vakolatli nazorat organi – Oʻzbekiston Respublikasi Adliya vazirligi huzuridagi Personallashtirish agentligiga shikoyat qilishingiz mumkin.
9.8. Avtomatlashtirilgan Qaror Qabul Qilish. Biz sizga nisbatan huquqiy oqibatlarni keltirib chiqaradigan yoki sizga shunga oʻxshash sezilarli ta'sir koʻrsatadigan, faqat avtomatlashtirilgan qayta ishlashga asoslangan qarorlarni, inson tomonidan koʻrib chiqish imkoniyatini bermasdan qabul qilmaymiz. Siz faqat avtomatlashtirilgan qayta ishlash orqali qabul qilingan qarorga e'tiroz bildirish, inson aralashuvini va qaror qabul qilish jarayoni hamda uning mumkin boʻlgan oqibatlarining tushuntirilishini talab qilish huquqiga egasiz.
9.9. Yuqoridagi huquqlar mutlaq emas va oqilona cheklangan bo'lishi mumkin, masalan, bunday huquqdan foydalanish boshqalarning huquq va erkinliklariga salbiy ta'sir ko'rsatganda. Yuqorida aytib o'tilgan huquqlardan birini amalga oshirish uchun @wallet_supportbot manziliga so'rov yuboring.
9.10. Ushbu Maxfiylik Siyosati va O'zbekiston Respublikasining "Shaxsga doir ma'lumotlar to'g'risida"gi Qonuni bo'yicha sizning huquqlaringizni amalga oshirish bilan bog'liq so'rovlar, amaldagi qonunchilikda uzoqroq muddat belgilan bo'lmasa, olingan kundan boshlab o'n besh (15) kun ichida ko'rib chiqiladi. Kripto Hamyon har bir shaxsga doir ma'lumot sub'ektining so'rovi tezkor va shaffof tarzda ko'rib chiqilishini va so'rov bo'yicha harakat qilishdan bosh tortilishi tegishli ravishda asoslantirilganligini va yozma ravishda xabar qilinishini ta'minlaydi.
10. Shaxsga dior ma'lumotlarni transchegaraviy uzatish
10.1. Sizning shaxsiy ma'lumotlaringiz Xizmatlarni yengillashtirish va yaxshilash maqsadida, ushbu Maxfiylik Siyosatiga muvofiq, sizning yashash hududingizdan tashqaridagi davlatlarga uzatilishi mumkin.
10.2. Ushbu Maxfiylik Siyosatini qabul qilish orqali siz soʻragan Xizmatlarni taqdim etish va qoʻllab-quvvatlash, ularning tegishli tarzda ishlashini ta'minlash va amaldagi pul yuvishga va terrorizmni moliyalashtirishga qarshi kurash qoidalariga rioya qilgan holda shaxsni tasdiqlash (KYC) maqsadlari uchun shaxsiy ma'lumotlaringizni transchegaraviy uzatishga aniq rozilik bildirasiz.
10.3. Kripto Hamyon har qanday transchegaraviy uzatish amaldagi qonunlarga muvofiqligini va Oʻzbekiston Respublikasining "Shaxsga doir ma'lumotlar toʻgʻrisida"gi Qonuni bilan kafolatlanadigan himoya darajasiga teng ekanligini ta'minlash uchun tegishli huquqiy, tashkiliy va texnik choralarni qoʻllaydi.
10.4. Foydalanuvchilarning shaxsiy ma'lumotlarini uzatishda, Kripto Hamyon amaldagi qonunlarga muvofiq "yetarli" deb tan olingan va tasdiqlangan uzatish mexanizmlariga tayanadi va bunday ma'lumotlarni qabul qiluvchilarning barchasi teng darajadagi himoya choralarini ta'minlashiga ishonch hosil qiladi.
11. Yangilanishlar
Kripto Hamyon ushbu Maxfiylik Siyosatini vaqti-vaqti bilan oʻz xohishiga koʻra oʻzgartirishi mumkin. Kripto Hamyon'dan foydalanishni davom ettirish orqali siz Maxfiylik Siyosatidagi ushbu yangilanishlar va oʻzgarishlarga rioya qilishga rozilik bildirasiz.