TON Hamyoningiz
allaqachon TelegramdaTON Hamyoningiz
allaqachon Telegramda

TON Wallet – Telegramdagi Hamyon ichiga o‘rnatilgan vakolatsiz (self-custodial) hamyondir. Vakolatsiz degani – sizning hamyoningiz bizning ilovamiz ichida emas, balki TON taqsimlangan ledjerida (blokcheyn) mavjud bo‘ladi. Maxfiy kalit (seed iborangizdan hosil bo‘ladigan) faqat sizda bo‘ladi, shu sababli mablag‘larni faqat siz boshqara olasiz yoki kirishni tiklashingiz mumkin. Telegramdagi Hamyon sizning kalitlaringizni saqlamaydi va hamyoningizni boshqarmaydi. U faqat TON ekotizimidagi uchinchi tomon xizmatlari bilan yuborish, qabul qilish, almashtirish va boshqa o‘zaro amallarni bajarish uchun qulay interfeys taqdim etadi. Bunga qarama-qarshi ravishda, Kripto Hamyon – vakolatli yechimdir. Bu yerda biz sizning kalitlaringizni himoya qilamiz va kirishni boshqaramiz – bu yangi foydalanuvchilar uchun ancha qulay. TON Hamyon esa TON taqsimlangan ledjeridagi (blokcheyn) aktivlari ustidan to‘liq nazorat va mas’uliyatni xohlovchi foydalanuvchilar uchun mo‘ljallangan.

TON Hamyonni sozlaganingizda, u tasodifiy yaratilgan maxfiy ibora (so‘zlar ketma-ketligi) asosida maxfiy kalit hosil qiladi. Agar qurilmangiz yoki akkauntingizga kirishni yo‘qotib qo‘ysangiz, aynan shu maxfiy ibora taqsimlangan ledjer (blokcheyn) hamyoningizga kirishning yagona usulidir. Uni albatta xavfsiz, offline tarzda saqlashingizni qat’iy tavsiya qilamiz.
TON Hamyonni sozlash uchun Telegramdagi Hamyonni oching va TON Hmayonni tanlang. Maxfiy iborangizni yaratish va tasdiqlash bo‘yicha ko‘rsatmalarga amal qiling.
TON Hamyonni tiklash uchun Telegramdagi Hamyonni oching va TON Hamyon bo‘limidan Hamyonni tiklashni tanlang. Seed iborangiz va kerakli sozlamalarni kiriting.
Eslatma: Telegramdagi Hamyon hamyoningizni o‘zida saqlamaydi va mablag‘laringizni boshqarmaydi. Bu sizning taqsimlangan ledjer (blokcheyn) hamyoningizni xavfsiz boshqarish vositasidir.

Yo‘q, sizning TON Hamyoningiz biz tomonidan joylashtirilmaydi. U TON taqsimlangan ledjerida (blokcheyn) mavjud bo‘ladi va u yerda hamma uchun ko‘rinadi. Biroq seed iboradan hosil bo‘lgan maxfiy kalitga ega bo‘lgan kishigina token yuborish, aktivlarni almashtirish, dApps bilan ishlash yoki Toncoin’ni staking qilish kabi amallarni bajarishi mumkin.
TON Hamyon — shunchaki sizning maxfiy kalitlaringizni xavfsiz boshqarishga yordam beruvchi mini-ilova bo‘lib, balansingizni ko‘rish, token yuborish yoki qabul qilish uchun qulay interfeys taqdim etadi. Shuningdek, u aktivlarni almashtirish, staking qilish yoki TON taqsimlangan ledjeridagi (blokcheyn) dApps bilan o‘zaro ishlash kabi funksiyalar uchun uchinchi tomon xizmatlariga ulanish imkonini ham beradi.

TON Hamyon sizga o‘z mablag‘laringiz ustidan to‘liq mas’uliyat beradi. Xavfsizlik sizning maxfiy iborangizni maxfiy va oflayn holatda saqlashingizga bog‘liq. Qo‘shimcha himoya uchun parol va biometrik himoyani yoqishni, hamda maxfiy iborangizni hech kim bilan bo‘lishmaslikni tavsiya qilamiz. Har qanday vakolatsiz (self-custodial) hamyonda bo‘lgani kabi, aktivlaringiz uchun to‘liq o‘zingiz javobgarsiz. Har doim o‘zingiz mustaqil tadqiqot qiling (DYOR) va hamyon xavfsizligini ta’minlash bo‘yicha eng yaxshi amaliyotlarga amal qiling.

Agar qurilmangizga yoki Telegramdagi Hamyon akkauntingizga kirish imkonini yo‘qotib qo‘ysangiz, TON Hamyonni maxfiy (seed) iborangiz yordamida tiklashingiz mumkin. Maxfiy iborasiz mablag‘laringizni qayta tiklab bo‘lmaydi. Shuning uchun maxfiy iborangizni xavfsiz, oflayn holatda saqlang. Shuningdek, kirishni tiklash uchun qo‘shimcha variant sifatida e-pochta orqali zaxira nusxasini yoqishingiz mumkin. Ammo agar siz maxfiy kalitlaringizni yo‘qotib qo‘ysangiz va zaxirani yoqmagan bo‘lsangiz, mablag‘laringizga kirishni tiklay olmaysiz. Bundan tashqari, agar siz maxfiy kalitlaringizni ham, Telegram akkauntingiz yoki qurilmangizga kirishni ham yo‘qotib qo‘ysangiz, zaxira nusxasi ham maxfiy kalitlarni tiklash imkonini bermaydi. TON Hamyon sizning maxfiy kalitlaringizga kira olmaydi va ularni tiklab bermaydi.